2010
Dram,Romantik
Rejissor:Ömer Faruk Sorak
Baş rolları ifa edir: Mehmet Günsür və Belçim Erdoğan.
“Aşk təsadüfləri sevməsin, qardaşım.”
Bu yaxınlarda “Aşk təsadüfləri sevər” adlı bir kinoya baxdım. Əvvəlcə onu deyim ki, vaxtaşırı olaraq film izləyirəm. Artıq o həddə gəlib çatmışam ki, əlimə kamera verib “film çək” desələr, Oskar ala biləcək əsər yaradacağıma inanmağa başlamışam. Həftə ərzində nümayiş olunan kinolar arasından mövzu və janr baxımından mənə uyğun olanlarını seçir, daha sonra bu film barəsində internetdə axtarış edirəm. Daha öncə buna baxmış insanların rəylərini oxuyuram və əgər müsbət rəylər olarsa bu filmi öz “film list”imə salıram.
“Aşk təsadüfləri sevər”i də beləcə seçmişdim. Onu da qeyd edim ki, bu kino barəsində rəylərin əksəriyyəti xanımlara aid idi və demək olar ki, hamısı da bəyəndiklərini bildirirdilər. Daha sonra baş rol ifacısı Mehmet Günsürün müsahibəsinə baxdım. Bir də tanıdığım xanımlardan bir neçəsi filmi bəyəndiklərini və hətta ağladıqlarını deyəndə kinoya baxmağı qərara aldım.
Qısaca filmin ssenarisi haqqında…
Nəticəsində bir xəstəxanada doğulan iki gənci daha sonra təsadüflər bir araya gətirir. Hər iki gəncin həyatında öz problemləri var, istər sağlamlıq baxımından, istərsə də münasibətlər baxımından. Bu problemlərin necə həll-olunub olunmadığını izləsəniz özünüz görəcəksiniz.
Bir də “Arabesk” vardı
Bu film mənə 1988-ci il istehsalı Ertem Eğilmezin “Arabesk” filmini xatırladır. Baş rollarını Şener Şen və Müjdə Arın paylaşdığı film absurd komediya janrındadır. Belə ki, rejissor o vaxtların “Yeşil Çam” filmlərini tənqid etmək üçün bu filmi çəkmişdir. Filmdə özündən əvvəlki ssenarilərin demək olar ki, hamısı təkrarlanır. Bir-birini sevən iki gənc təsadüflər nəticəsində ayrı düşürlər. Və həmişə qovuşmaq anında yenidən təsadüflər onları ayırır. Filmin sonunda yaşlanmış sevgililər bir-birini gördükdə hər ikisi ölür. Ancaq o biri dünyada da düşmənləri onları aldadıb cəhənnəmə göndərirlər. “Aşk tesadüfləri sevər” filmi nəinki romantik, dram “Arabesk” kimi absurd komediya janrında olduğunu düşünürəm.
Üzeyirin “lomka”sı…
Film romantik janrda olmağına baxmayaraq, filmdə demək olar ki, sevgidən söhbət getmir. Əslində gedir, amma texniki şəkildə. Baş rol ifaçıları sanki, təsadüf nəticəsində seçilmişlər və aralarında heç bir uyğunluq yoxdur. Belə demək mümkünsə bir-birilərini sevə bilməmişlər. Ya da bunu bizə göstərməyi bacarmayıblar. Filmin senarisinə gəldikdə isə, sanki senarist əlli romantik filmə baxıb və onlardan xoşu gələn epizodları seçərək yeni bir film yazıb. Filmə diqqətlə baxsanız “mən bu səhnəni başqa hardasa da görmüşəm” deyəcəksiniz.
Bəs bu qədər uğursuz bir film niyə bu qədər məşhurlaşdı?! Nəzərə alsaq ki, filmin əsas tamaşacıları qızlardan ibarətdir bunu normal qəbul etmək olar. Bir vaxtlar Nüsrət Kəsəmənli şair deyil sadəcə “texniki işçidir” deyirdik. Bu film də nəinki “texniki işçinin” hətta “texniki heyətin” məhsuludur. Və fikrimcə “Aşk təsadüfləri sevər”-ə baxıb bəyənən və ağlayan bəzi xanımlar əslində Nüsrət Kəsəmənlinin şeirləri ilə ovunan və Üzeyirin mahnıları ilə “lomka”ya düşən insanlardır.
Kinoklik qeyd: Film haqda digər yazarımızın fikirlərini də bu linkdən oxuya bilərsiniz
http://youtu.be/Qn4Bev3TtU0
hahaha :D :D tamamile raziyammm :D :D :D
hetta men 3-4 il evvel 1 amerika kinosuna baxmishdim bezi epizodlar oxshuyur
Bəziləri ssenarini bu klipə də bənzədirlər http://www.youtube.com/watch?v=S-yD4OfY8cM&feature=related
Salam yazdıqlarınızı oxudum və onu deyim ki, siz heç də haqlı deyilsiz.
1-ci si ona görə ki bu film çox maraqlıdır. Əllbətdə deyə bilərsiniz ki, oxşarlıqlar var haqlısız amma nəzərə alın ki, bu dünyada bir-birinə oxşayan minlərlə insan varsa niyədə senarilər oxşamasın. Senari nə olursa olsun əsas odur ki, maraqlıdır. Üstəlik Nüsrət Kəsəmənli gözəl şairdir. Onun şeriləri də çox gözəldir. Amma mən şəxsən Üzeyiri bəyənmirəm. Burda haqlı ola bilərsiniz nəzərə alın ki, zövqlər müxtəlifdir. İnsanları zövqlərinə gözər qınamaq və yaxud təhqir elemək olmaz. Bəs sizgə indiyə qədər niyə Azərbayycanda belə filimlər kəçilmir. Bəlkə bu problemin həllinin tapasınız. O qədər problemlər ortaya çıxacaq ki, məsələn bəs siz nə eləminiz bəlkə öz işinizi ortaya çıxarıb sonra başqalarını qınayasınız sözlərim bəlkə xətrinizə dəyəcək amma bunlar həqiətdir.
Aliya xanım..Məncə siz kinoya düzgün yanaşmırsız..Aşk tesadüfleri sever..Filmin adına baxın..Kinoda uydurulma kino olduğu aydındı bu qədər tesadüf olar? Biri avtobusa minəndə biri düşür, eve girende biri evdən cıxır.Yenədə sizin fikrinizdi amma filmi cox abartmişlar.
Aliye xanim yumurtanin dadina munasibet bildirmek ucun yumurtamaga ehtiyac yoxdur. Onu yemek kifayet edir. Indi men hansisa filme munasibet bildirmeyim ucun ozumun bir film cekmeyime ehtiyac yoxdur. Qaldiki menim Azerbaycanda yuksek seviyyeli filmlerin cekilmesi ucun ne etdiyime, men filme kinoteatrda baxmaga ve ya onun orginal diskini aliram. Bir tamashaci kimi menim isim budur. Senetim ise yaziciliqdi, film senayesinde calismiram. Yazici oldugum ucun de heftede en azi 3 film izleyirem. Ve az-cox film izleyib, onu tehlil etmis biri kimi sizi emin ede bilerem ki, bu film hec de ugurlu film deyil. Dogrudur cox teesuf ki sevilib belke de xerclerini cixarda bilib.Ancaq hec vaxt tarixde qalacaq filmler arasinda deyil. Qaldiki Nusret Kesemenlinin ne derecede shair olub-olmamagina mence bu movzu kinoklik saytinda muzakire edile bilecek bir movzu deyil. Sozleriniz xetrime deymedi, umid edirem ki menim sozlerim de sizin xetrinize deymeyecek. Vaxtinizi serf edib yazimi oxudugunuz ucun teshekkurler :)