3 sentyabr, 2010, ABŞ,
Döyüş janrında,
Robert Rodriguez, Ethan Maniquis və Quentin Tarantino istehsalı,
Robert Rodriguez’in yeni şah əsəri – Machete. Film qan, hərəkət və kinomatoqrafiyada yeniliklər görmək istəyən izləyicilər üçün istehsal olunub. Qeyri adi səhnələr, gözəl aktyor oyunları, aqressivlik maximum həddə çatır.
Mövzusu əvvəllər polis olmuş birinin özünəməxsus intiqamından gedir. Növbəti 2 seriasının çəkilməsi haqda filmin axırında xəbər verilir.
Rollara Hollewood’un ən məşhurları dəvət olunub (Danny Trejo, Robert De Niro, Jessica Alba, Steven Seagal, Lindsay Johan, Michelle Rodriguez). Digər rollarda isə əvvəlki Rodrigez və Tarantino cütlüyünün tapıntıların görəcəksiniz. Rejissor yenə öz filmi üçün mükəmməl musiqi seçib.
QEYD: Filmə baxarkən hər ehtimala qarşı nəzərə alın ki film, 18+ dur
Trailer
Uğurlar….
P.S. Hərçənd ki, şərhin kinoya heç bir dəxli yoxdu, amma yeni bloqa hansısa bir yolla uğur arzu etməli idim.
:)
Gözəl arzuya görə təşəkkürlər :)
İki gün əvvəl təsadüfən bu filmi TV-də gördüm))) Bu “bıçaq atan” kişiyə simpatiyam hələ Desperado filmindən vard :))
Bu kişini görən kimi dedim bu aktyor Robertindir, amma bir anlıq da düşünmədim ki, bu Robertin filmidir :)) Çünki bu filmin bir iki səhnəsinə baxanda o dəqiqə bildim ki, bu vəhşiliklər ancaq Tarantinodan çıxa bilər)) Sonda isə düşündüm ki, ola bilər ikisi birlikdə çəkiblər bu filmi.IMDB-da axtarıb tapdım düz çıxdı)) Baş roldakı aktyor çox yaxşı aktyordur, məncə onu daha yaxşı filmlərə çəkmək olar. Tarantinonun vəhşiliyi isə məni ondan soyudub. Heç İnglorious Bastarda baxa bilməmişəm, başının dərisini soyan səhnəni təsadüfən TV-də görəndən sonra(((
Düzdü Zhala, elə bil bu kino Desperadonun ardı kimi çəkilib, yaxşı da alınıb. bircə səhv ondadıki Desperado 1-də o ölmüşdü, 2-cidə sağ idi, və yenə də fəaliyyət göstərir bu filmdə))
Əslində bu rejissor cütlüyünün işlərinin “movie-art” yəni incəsənət nümunəsi kimi qəbul etmək daha yaxşı olar. Onda bütün vəhşiliklərdən və məntiqsizliklərdən belə həzz alarsan :)
Məncədə Denny yaxşı aktyordu amma yaxşı rol deyəndə məncə romantik rola heç yaraşmaz :) yəqin ki bu tipli aqressiv rolları nəzərdə tutub deyirsən.
Tarantinoya baxacaqsansa gərək onun vəhşiliklərinə hazır olasan, hazır deyilsənsə Rodriguez-lə kifayyətlənməli olacaqsan :)
Hə, mən də düşündüm ki, Desperadonun ya da Bir dəfə Meksikada Bir Dəfə (Desperado 2) filminin arxasıdır. Amma yadıma düşdü ki, o elə birincidə ölmüşdü)))
Hə, bir-birlərini yaxşı tapıblar, Rodrigues Tarantinonun yanında bir az daha mərhəmətli görünür, yəqin Tarantino olmasaydı film belə effektli alınmazdı (bu filmin bir effekti var o filmdəki da vəhşiliklər:).O daha romantik çəkərdi və bəlkə də Desperado kimi gözəl bir şey də alınardı.
Denny o qədər yaxşı aktyordur ki, artıq hamı onu görəndə düzdü adını bilməsələrdə mənim kimi ))) bilirlər ki, kimdir, və o dəqiqə insanlar anlayırlar ki, bu hansı rolda olacaq filmdə. O elə bil ki, konkret bir personajdır. Necə ki, Superman, Batman, Spiderman, hər yerdə eynidir :)
Əşi Tarantino əvvəllər belə deyildi, sonrada vəhşiləşdi))) Amma çox kreativ rejissordur))
Rodriguez-in uşaq filmləri də var. Hətta birində elə Denny də rol alıb. amma Tarantino deyəndə rejissorun özünəməxsus xarakteri kinoda heç vaxt əskik olmur ))
Baxmısansa Sin City filmində də bu cütlük əla iş çıxarıblar (gələn yazılardan biri o filmə aid olacaq). Həmin filmə də duz qatmaq üçün yəqin ki Tarantino köməkçi rejissor kimi dəvət olunmuşdu :)
Düz deyirsən, aktyorun üz cizgiləri artıq çəkiləcək roldan və hətta filmin necə olacağından xəbər verir.
Tarantino həmişə Tarantinodu. From Dusk Till Dawn, Kill Bill kinolarından bəri onun xarakteri hamını cəlb edir ) onun gözəlliyi də elə vəhşiliyindədi :)