Yəqin tək mən yox, hamımız sujet xətti olan hansısa bir filmi izləyəndə maraqla filmin sonunda nə olacağı haqqında düşünürük. Hətta belə dəsək daha yaxşı olar : filmi filmdən tez bitirmək, son səhnəni qabaqlamaq istəyirik. Sonu maraqlı bitən filməri hər kəs sevir. Ümumiyyətlə filmin uğurlu olmasında son hissənin rolu çox böyükdür. Məsələn, “ Lucky Number Slevin” filmini sonuna görə sevirəm, hazırkı sonluq deyil də başqa sonluq olsaydı, deyərdim ki, olduqca adi, bənzəri itətök olan Hollywood filimlərindən biridir, amma elə bir sonu var ki, o sonluğu bənzəri olan 100 filmə dəyişmərəm. İndi də o sonluğu gözəl, maraqlı, əsas da təəccüblü, gözlənilməz olan filmlərdən, izlədiyim qədərilə ən yaxşı sonluğu sahib 21 kinonu seçib sizlərə təqdim edirəm. Filmlər haqqında özüm qəsdən məlumat yazmadım. Yazsaydım, həm yazı çox uzun olardı, həm də belə filmlər haqqında heçnə oxumayıb izləmək daha çox həzz verir. Lakin mən yenə də bəzi kinoların adında keçid qoymuşam, istəyənlər bu keçidlər vasitəsilə Kinoklik yazarlarının həmin filmlər haqqında yazdıqları postları oxuya bilərlər. Nəysə, daha çox vaxtınız almadan hazırladığım “Ən yaxşı sonluğa sahib 21 film” siyahımı sizlərə təhvil verim. Buyurun. İzləyə-izləyə “yeyin”, “dadı damağınızda qalacaq” filmlər.
21. The Machinist (2004)
20. Psycho (1960)
19. Seven (1995)
18. Memento (2000)
17. Shutter Island (2010)
16. Identity (2003)
15. Trick r Treat (2007)
14. The Mist (2007)
13. Girdap (2008)
12. Exam (2009)
11. The Prestige (2006)
10. Saw (2004)
9. Illisionist (2006)
8. The Others (2001)
7. Arlington Road (1999)
6. Awake (2007)
5. Sting (1973)
4. Lucky Number Slevin (2006)
3. Eternal Sunshine of the Spotless Mind (2004)
2. Sixth Sense (1999)
1. The Game (1997)
Nuş olsun :)
Confessions və Shutter Island filmlərinin sonu ən xoşuma gələn sonluqlardı :)
Confessionsa hələ baxmamışam, bu həftə baxacam, yaman maraqlı gəldi mənə o film. “Shutter Island” isə bəlkə də siyahıdakı ən “dadlı” filmdi, amma nəsə sonluğu o qədər gözlənilməz olmadı mənim üçün, bəlkə də filmə baxmamışdan əvvəl çox danışılmışdı mənə o film haqqında, ona görədi. Amma “The Game” filmi qədər məni şoka salan film olmayıb. “The Game”-ə baxanda iki yerdə “heart attack” keçirdim :)
Shutter Island-ın sonu ona görə maraqlıdır ki, filmi izləyənlərin hərəsi bir söz deyir, maraqlı müzakirə gedir :) The Game-ə təəssüf ki, baxmamışam hələ
Ola bilər, filmi izlədiyin aura və vəziyyətdən də çox şey aılıdı. “The Game” isə mütləq bax, David Fincherin əl işidi :)
Maraqlı yazıdı. Filmlərin bəzilərinə baxmamışam. Amma baxdıqlarım içində ən çox şok təsiri yaradan Saw 1 olmuşdu. Kinoteatrda ayağa durub qışqırmışdım :D
P.S. Game-ə isə mütləq baxacam =)
Saw 1-ə kinoman olmayan vaxtlarımda baxmışdım, dəhşətə gəlmişdim, həqiqətən sonlugu şok effekti yaradır. “The Game”-ə isə məncə də baxın. Şərhinizə görə təşəkkürlər :)
Yazıdan xoşum gəldi. Fİlmlərin bəzilərini izləmişəm bəzilərini yox. Bu izləməyim üçün bir səbəb olduda deyə bilərəm. :)
Xoşunuza gəldiyinə və bu filmləri izləməyə həvəs yaratdığıma sevindim. Şərhinizə görə təşəkkürlər :)
Maraqli siyahi idi. Filmlerin coxusunu izlemishem, amma nedense siyahinin adini oxuyanda Berqmanin “Persona”-ni ve “Oldboy”u tesvir etmishdim. Siyahida olan filmlerden tekce “The Game” ve “Prestige”e baxanda gozlenilmez finala shahid olmushdum. Digerlerinin sonlugunu filmin gedishatindan anlamaq olur.
Düzü “Persona”-nı çoxları tərifləyir, mütləq baxacam bir gün. “Oldboy”-dan isə heç xoşum gəlmir. Amma indi yadıma düşür, əsas bir şah əsəri yazmağı unutmuşam – Fight Club. Bir də bu siyahı subyektiv seçimlərin toplamıdır, yəni bəlkə də siyahıda olmayan (izlədiyim, lakin bu siyahıya layiq görmədiyim) hansısa film bir “The Game”-dən çox daha maraqlı sonluğa sahibdir. Yazıma şərh bildirdiyinizə görə isə təşəkkürlər :)
Qardaş,sən bu 21-yi qələmə alanda çox böyük səhvə yol vermisən))) Yazıya söz yoxdur!Maraqlıdır! Amma Beynəlxalq Kino Akademiyasının və Tamaşaçılar tərəfindən sonluğu bəyənilən 1 film var ki onu siyahıya daxil etmımisın! Sözün açığı sona qədər düşünürdüm 1-ci yeri o filmə verəcəksən! Amma sənin fikrindir hörmət eləmək qalır!
filmin adı isə The Usual Suspects (Подозрительные лица)
Bax sonra təhlil edərik!
Yazıya görə təşəkkürlər!